Muqdisho (HM)-Dowladda Kenya ayaa lagu waramayaa in ay ciidamo aad u hubeysan oo horleh u daabushay gobolka Gedo ee koonfurta Soomaaliya.
Illo wareedyo ayaa laga soo xigtay in askarta oo ka yimid dhanka waqooyi barri lagu arkayo degaanadda ku teedsan xuduudka labadda dal.
Warbixinadda oo laga helay dadka degaanka ayaa soo jeedinaya in ciidamadda ay wataan gaadiidka dagaalka iyo hub culus.
Talaabadan ayaa kusoo aadeysa xilli Itoobiya ay farogelin ka waddo gobolka Gedo, iyadda oo fulineysa dalab ka yimid Villa Soomaaliya.
Ciidamadda xukuumadda Addis Ababa oo aan ka tirsaneyn AMISOM ayaa juujuub ku haya degmooyinka Luuq, Doolow iyo Beledxaawo.
Madaxweyne ku xigeenka Jubbaland, Maxamuud Sayid Aadan, ayay ka hor istaageen in uu gudaha u galo Beledxaawo, todobaadkii hore.
Warbaahinta gudaha ayaa sheegeysa in ciidanka Kenya ay taageersan yihiin Maxamuud Sayid Aadan oo mudooyinkii dambe ku sugnaa Mandheera.
Dowladda Farmaajo oo xiriirka kala dhaxeeya Jubaland uusan fiicneyn ayaa damacsan in ay Gedo ka hirgeliso maamul sharci darro ah.
Maamulka Kismaayo ayaa horey wuxuu uga digay in gacma-gacmeynta wuxuuna codsaday in ciidanka aan AMISOM kamid ahayn ka baxaan gobolka.
Xukuumadda Federaalka Soomaaliya oo iska fogeysay eedeynta ah in ay adeegsaneyso ciidanka Itoobiya ayaa ku doodey in ay waddo diiwaan-gelinta ciidanka.
