Xubnaha guddiga xallinta khillaafaadka doorashooyinka ee her Federaal oo Maanta doortay Guddoomiye cusub, kadib doorashado ka dhacday Teendhada Afisyooni ee Magaalada Caasimadda ah ee Muqdisho
Kulanka waxaa soo xaadiray 18-xubnood, waxaana xilka guddoomiyaha cusub ee guddiga xallinta khillaafaadka doorashooyinka loo doortay Xuseen Maxamed Maxamuud oo helay 18-cod.
Doorashadan Guddiga ayaa timid, kadib markii Guddoomiyihii hore ee Guddiga xallinta khillaafaadka doorashooyinka Qaranka Alle ha u naxariistee Cabdullaahi Abyan Nuur uu geeriyooday.
Guddigaan oo ka kooban 18-xubnood ayaa ka shaqeeya xalinta khillaafaadyada ka dhashada doorashooyinka ee her Federaal, waxaana Guddigaan ay ka qeyb galeen doorashooyinkii Aqalka Sare ee ka dhacay dowlad Goboleedyada dalka.
