Ceerigaabo ( HM) Kornayl Caarre oo Hogaaminayay Jabhadii Mudooyinkiii dambe ku sugnayd Gobolka Sanaag, ee kasoo Horjeeda ayaa lagu wadaa inuu soo gaadho Magaalada Ceerigaabo , Kadib markii ay Odayaasha Beesha uu kasoo jeedo dhex-dhexaadin ka dhexwadeen Mudooyinkii dambe Kornayl Caarre iyo Jabhadiisa.
Ciidamada jabhadda uu Hogaamiyo Kornayl Caarre ayaa a Ku hoyanaya degaanka Karin oo u dhow Ceerigaabo, waxaana lagu wadaa in Saakaba soo dhaweyn loogu sameeyo Gudaha Magaalada Ceerigaabo ee gobolka Sanaag.
Warar soo baxaya waxaa ay sheegayaan in korneylka Baasaboorka Soomaaliya looga sameeyay Magaalada Garowe islamarkaana laga yaabo inuu u baxo dalka dibaddiisa, Halka Ciidamada korneyl Caarre la sheegay in qaarkood dib loogu celiyay Ciidanka Somaliland halka kuwo kalena ay wali Odayaasha degaanka ka shaqeynayaan Arintooda.
Dhowr jeer oo hore ayaa lagu guul daraysatay in heshiis la dhexdhigo Madaxweynaha Somaliland Muuse Biixi Cabdi iyo Taliyaha Jabhada Dulmidiid Col. Caare oo horey uga mid ahaan Jiray Ciidamada Somaliland.
Sawirkan hoose waa Hoggaanka ciidanka Somaliland Gaashaanle Dhexe Siciid Suudi Cabdi iyo Korneyl Caarre oo ku wada sugan duleedka Ceerigaabo.
