Wasaaradda Ganacsiga iyo Warshadaha XFS, ayaa maanta si rasmi ah u daah-furtay Xog-keydiyaha Ganacsiga Soomaaliya oo ah Website casri oo lagu soo uruuriyey xogaha la xidhiidha Ganacsiga sida shuruucda, xeer-nidaamiyeyaasha iyo guud ahaan xogaha kale.
Munaasibadda Daah-furka Barnaamijkan oo ka qabsoontay Muqdisho, ayaa waxa sidoo kale goob-joog ka ahaa Ku-simaha Wasiirka Wasaaradda Ganacsiga iyo Warshadaha XFS ahna Wasiiru-dawlaha Wasaaradda Md. Cabdulqaadir Shariif Sheekhunaa Maye, Wasiir-ku-xigeenka Wasaaradda iyo mas’uuliyiin ka socday Baanka Aduunka.
Wasiirada oo ugu horreyn Madasha ka hadlay, ayaa ku dheeraaday muhiimadda uu barnaamijkani u lee yahay daah-furnaanta Ganacsiga isla-mar-ahaantaana ay Ganacsatada iyo Maal-gashadeyaasha caalamiga ahi ba ay si fudud ganacsiyo iyo maal-gashiyo ba uga samayn karaan dalka.
RIIX HALKAAN SI AAD U DAAWATO
Agaasimeyaasha iyo madaxda hay’adaha caalamiga ah oo iyagu na dhankooda halkaas ka hadlay, ayaa waxay sheegeen maadaama oo barnaamijkan la sameeyey uu yarayn doono wakhtigii ganacsatada kaga lumi jiray.
