Muqdisho (HM) Xildhibaan Daauud Maxamed Cumar oo kamid ah Xildhibaanada Baarlamaanka Soomaaliya, ee deegaan Doorashadiisu tahay Gobolka Sool, ayaa si kulul uga hadlay Shirkii Jabuuti ee Dowladda Federaalka Soomaliya iyo maamulka Somaliland dhexmaray.
HALKAN KA DAAWO VIDEO
Wuxuu shirkaasi u bixiyey “Shirka kala goynta Soomaaliya”, Wuxuuna Madaxda Dawladda ku eedeeyay inay dadka ka Qayb gelaya shirkaasi u yeedhisay Somaliland, sidoo kalana aysan Warbixin aan Xaqiiq ahayn madasha ka akhriyeen islamarkaana aan laga jawaabin, Wuxuu sidoo kale xusay in dadkii xogta kulamadii hore hayey shirka laga reebay.
Daa’uud Bisinle wuxuu Nasiib darro ku tilmaamay in Dawladdu ay Naaxiso oo Qodobo danno dhaqaalle ugu jirto goonigoosadka ay u saxeexdo, Sida uu hadalka u dhigay.
Wuxuu sidoo kale Su’aal ka keenay dhibaatada iyo Xiisadaha Colaadeed ee gobolada Sanaag iyo Sool, Wuxuuna Ciidamada Somaliland ku eedeeyay dilalka iyo Qalalaasaha kale ee ka dhaca magaalada Laascaanood.
Xigasho: Kalshaale.com
@Dalsan TV
