Guddiyada doorashada Gobolada Waqooyi ee Somaliland iyo kuwa Galmudug ayaa shaaciyay Jadwalka doorashooyinka kuraas ka tirsan Golaha Shacabka Baarlamaanka 11-aad ee Jamhuuriyadda Federaalka Soomaaliya.
Guddiga doorashada Somaliland ayaa shaaciyay qabashada 8 kursi oo Golaha Shacabka oo diiwaan-gelinta Musharaxiinta kuraastaas u tartamaya bilaabaneyso 1 bisha soo socota ee Febraayo 2022, halka doorashada kuraasta la qabanayo 2-da bishaan.
Sidoo kale Qoraal kasoo baxay Guddiga doorashada Galmudug ayaa lagu shaaciyay qabashada doorashada 5 kursi oo Golaha Shacabka ah oo maalmaha soo socda doorashadoodu ka dhici doonto Magaalada Dhuusamareeb.
Guddiga ayaa diiwaan-gelinta Musharaxiinta u tartamaya kuraasta Golaha Shacabka ee lasoo saaray la bilaabaya 2 bisha soo socota ee Febraayo 2022, isla markaana doorashada la qaban doono 3 Febraayo, taasi oo ka dhaceysa Dhuusamareeb.
Hoos ka Akhriso Jadwalka Doorashada Galmudug.
Hoos ka Akhriso Jadwalka Doorashada Gobolada Waqooyi.
