Maanta oo Arbaca ah ayay ku egtahay xiliga loo qabtay Baarlamaanka Malaysia inay soo doortaan Ra’iisulwasaare cusub kadib markii uu isniintii lasoo dhaafay xilka iska casilay Ra’iisulwasaarihii hore ee dalkaas Muxuyiddiin Yassiin.
Ra’iisulwasaare Yassiin oo xukuumadiisa lagu eedeeyey wax is daba marin iyo inay wax ka qaban wayday faafida xanuunka Covid19, ayaa markuu xilka iska casilayay sheegay inuu waayay kalsoonida inta badan xubnaha Baarlamaanka dalkaasi.
Boqorka dalka Malaysia ayaa sheegay in Raysalwasaaraha cusub laga rabo inuu marka hore helo inta badan codadka Baarlamaanka .
Xisbiyada Malaysia ayaa xiligan si weyn isugu khilaafsan cida noqon doonta Ra’iisulwasaaraha cusub, iyadoo qaar kamid ah xisbiyada dalkaasi ay si weyn u taageersan yihiin inuu xilkaasi qabto Ismaciil Sabri oo ahaa Ra’iisulwasaare kuxigeenka iyo Wasiirkii Difaaca ee xukuumaddii dhacday.
