Waxaa Saaka degan xaalada tuulada Tukaraq oo dagaal uu shalay ku dhexmaray ciidamada
maamulka Puntland iyo Somaliland, iyadoona Dadka deegaanku ay sheegayaan inay degan tahay xaalada goobihii ay shalay ka dhaceen dagaalada.
Ciidanka maamulka Somaliland oo markoodii hore bilaabay dagaalka ayaa weeraray tuuladan, waxaana halkaasi ka dhacay dagaal kooban oo dhexmaray ciidamada Puntland iyo kuwa Somaliland.
Dadka deegaanka ayaa xaqiijiyey in wali deegaanka laga dareemayo xiisad colaadeed, waxaana dadka ay cabsi ka muujiyeen in markale dagaal uu halakas ka qarxo, Waxaana la sheegay inuu socdo abuubul ciidan oo ay wadan
labada dhinac.
Sidoo kale, ciidamada Somaliland ayaa weli ku sugan Tukaraq, kuwaa oo dhufeysyo dagaal ka sameystay dhammaan
goobihii ay kala wareegeen ciidamada maamulka Puntland.
Weerarka Somaliland ku qaaday Tukaraq ayaa kusoo aaday Xili Puntland ay ku Mashquulsanayd soo dhowaynta Madaxwaynaha Soomaaliya, Sidoo kalana ay isku diyaarinaysay Munaasibada Markii la doortay C.wali Gaas oo Afar-sano kasoo Wareegtay.
