Gaari walxaha qarxa lagu soo raray ayaa lagu weeraray Bar kontorool oo Ciidamada Dowladda Federaalka iyo Daraawiishta Galmudug ay ku leeyihiin Deegaanka Bacaadweyne ee Gobolka Mudug.
Qaraxa oo jugtiisa siweyn loo maqlay ayaa dhaliyay Khasaare isugu jira Dhimasho iyo dhaawac, inkasta oo aan faahfaahin rasmi ah laga bixin inta uu gaarsiisan yahay.
Laamaha ammaanka Deegaanka Bacaadweyne ayaa bilaabay howlgallo ay ku xog ogaanayaan Qaraxa Ismiidaaminta ah ee ka dhacay Deegaanka iyo sidii ay u ogaan lahaayeen waxyeelada uu geystay.
Gobolka Mudug waxaa ka taagan saan-saan dagaal & dhaqdhaqaaqyo iska soo horjeeda oo ay wadaan Ciidamada Dowladda Federaalka si gaar ah kuwa gaarka u tababaran ee DANAB, Militariga qaybta 21-aad iyo Ciidanka Daraawiishta DG Galmudug oo kaashanaya kuwo deegaanka ah oo isku dhinac ah & Al-Shabaab.
