Shil sababay khasaaro isugu jira dhimasho iyo dhaawac ayaa waxaa uu saakay ka dhacay duleedka degmada Gabilley ee Maroodijeex ee Somaliland, waxaana kasoo baxaya faah faahino dheeraad ah Shilkaas dhacay.
Shilkaan ayaa waxaa uu ka dambeeyay, ka gadaal markii ay isku dhaceen gaari siday dad shacab ah iyo gaari oo ku socday xawaare sare, xili ay labada gaari ay marayeen laamiga duleedka degmada Gabilley.
Inta la xaqiijiyay hal qof ayaa ku dhintay shilkaas gaari, halka 8 qof kalena ay soo gaareen dhaawacyo, kuwaasi oo deg deg ah loogula cararay Isbitaalka degmada Gabilley, si xaaladooda Caafimaad loogu dabiibo.
Goobta uu shilka ka dhacay ayaa waxaa ka gaaray dadweyne farabadan iyo Mas’uuliyiin ka tirsan Somaliland oo gurmad xoogan u sameeyay dadkii waxyeelada kasoo gaartay oo dhammaantood shacab ahaa.
RIIX HALKAAN SI AAD U DAAWATO MUUQAALKA
