Qardho ( HM) Taliyihii ciidanka Booliska Somaliland ee magaalada Badhan ee Gobolka Sanaag Gaashaanle sare Caydiid Axmed Nuur iyo ciidamo uu hogaaminayo ayaa kasoo goostay Somaliland. Waxaana e lagu soodhaweyeey magaalada Qardho ee Puntland.
Saraakiil ka tirsan ciidamada daraawiishta Puntland ayaa si weyn sarkaalkaasi iyo ciidamadiisa ugu soo dhaweeyay magaalada Qardho, waxaana la sheegay in sidoo kale saraakiisha kale ee gobolka kasoo jeeda ay so dhaweynayaan.
Sidoo kale magaalada Qardho waxaa ku sugan korneyl Caarre oo horey uga goostay Somaliland, islamarkaana ku dhawaaqay dagaal ka dhan ah maamulka Somaliland.
Korneyl Ceydiid Axmed Nuur oo hadda kasoo goostay Somaliland ayaa horey Puntland kaga cararay sanadkii 2006 markii ay is qabteen madaxweynihii hore ee Puntland Cadde Muuse Xersi.
