Saraakiisha Ciidanka Xoogga ee ku sugan magaalada Baraawe iyo kuwa ATMIS qeybtooda Baraawe ayaa ka shiray sidii loo sii xoojin lahaa howlgalada ka dhanka ah Al-shabaab ee gudaha iyo daafaha Magaalada.
Saraakiisha Ciidamada ayaa isku raacay xoojinta xasiloonida Baraawe iyo deeganada ku teedsan, iyo in ay soo af jaraan Al-shabaab laga soo afjaro goobaha ay ka gabaad-sadaan deegaanada udhow Baraawe.
Kulanka waxaa Shir gudoominayay Taliyaha ururka 25-aad, guutada 6-aad, Qeybta 60-aad ee Xoogga Dalka Gaashaanle sare Cabdiraxmaan Cilmi Jimcaale Xarago.
Waxaa qeyb ka ahaa Guddoomiyaha Magaalada Baraawe Liibaan Abuukar Baafo, ku xigeenkiisa dhinaca Siyaasadda iyo Amniga Ismaaciil Cabdullaahi Jaadane iyo saraakiisha laamaha Amniga deegaanka.
