Diyaarad siday agab Caafimaad ayaa ka degtay deegaanada Maamulka Puntland, taas oo loogu tala-galay in lagu samata-bixiyo dadkii ay saameysay duufaantii ku dhufatay deegaanada maamulkaas.
Agabkaan Caafimaad oo dowladda Talyaaniga ugu deeqday Puntland waxaa la wareegay Mas’uuliyiin ka tirsan Puntland oo ku sugnaa Magaalada Boosaaso ee Xarunta Gobolka Bari, iyagoo ka mahadceliyay.
Talyaaniga ayaa sigaar ah Gargaarka ugu tala-galay in loo gaarsiiyo dadkii deegaanada Puntland ku saameeysay duufaantii GATI ee ku dhufatay halkaas, ayna ka dhasheen khasaaro dhimasho iyo dhaawac iyo burbur hantiyadeed.
Duufaanta ayaa si darran u saameeysay dadka kunool Gobolada Gardafuu, Barri iyo Karkaar ee Puntland, waxaana la sheegay in Duufaanta ay ku barakaceen kumanaan qof oo qaarkood gaargaar kala duwan la gaarsiiyay.
Puntland ayaa horay Guddi ugu saartay duufaantaas, iyaga oo billaabay qiimeyn ku addan saameynta ay geysatay, iyaga oo dhawaan warbixin siiyay golaha Wasiirada Maamulka Puntland.
