Guddoomiye kuxigeenka labaad ee Golaha Shacabka Mahad Cabdalla Cawad oo goor dhow qabtay shir jaraa’id oo uu kaga hadlayay xaalada amniga ee xarunta Golaha Shacabka ayaa sheegay in ciidamo uu og yahay Madaxweynaha ay la wareegeen Xarunta.
Mahad Cawad ayaa Madaxweynaha ugu eedeeyay inuu gabay ilaalinta xilkii ka saarnaa mabaa’diida aas aasiga ee dastuurka iyo shuruucda dalka ee kala madax banaanida Hey’addaha sharci dejinta, Fulinta iyo Garsoorka.
Waxaa uu sheegay in Xildhibaanada ay xaq u leeyihiin inay is difaacaan, maadaama ay xarunta golaha shacabka la wareegeen ciidamo aan ka amar qaadan Guddoomiyaha Golaha Shacabka.
War saxaafadeedka oo qodobo adag ku qornaa ayaa markan waxaa uu xafiiska Guddoomiye Jawaari si toos Madaxweynaha loogu soo qaaday in dhinaca uu jiro khilaafka Baarlamaanka iyo Xukuumadda.
Halkan hoose ka aqriso war saxaafadeedka:-
