Doorashada Guddoonka Gudidda hirgelinta doorashada gobolada Waqooyi/Soomaliland oo ka qabsoontay Teendhada Afisyoone ayaa goor dhowed la soo gabo gabeeyey iyadoo Guddoomiyaha Gudidda cod gacan tag ah loogu doortay Khadar Xariir Xuseen, halka Guddoomiye ku-xgeenka gudiddana loo doortay Nagiib Xuseen Samaale.
Xubnaha Guddiga ee is-doortay oo ka koobnaa 7-xubnood ayaa Guddoomiye u doortay inuu noqdo Khadar Xariir Xuseen, iyagoona cod gacan taag ugu codeeyay, isla markaana waxaa uu helay 7 Cod, mana jirin cid diiday ama ka aamustay.
Sidoo kale Guddoomiye ku-xigeenka Guddiga doorashada Somaliland ayaa waxaa ku tartamay laba Musharax oo kala ah Najiib Xuseen Samaale iyo Amal, waxaana ku-xigeenka Guddoomiyaha loo doortay Najiib Xuseen oo helay 6 Cod.
Doorashada ka dhacday Teendhada Afisyooni ee Magaalada Muqdisho ayaa waxaa ka maqnaa xubnaha afarta ah ee uu soo magacaabay Guddoomiyaha Aqalka Sare Cabdi Xaashi Cabdullaahi, kuwaasi oo aan ka qeyb gelin doorashada.
HALKAAN KA DAAWO MUUQAALKA
