Guddoomiyaha Gobolka Banaadir Ahna Duqa Magaalada Muqdisho Cumar Maxamuud Maxamed (Cumar Filish) ayaa kormeer ku tagay qaar ka mid ah xaafadaha Degmooyinka Gobolka Banaadir iyo Wadooyinka waa weyn ee dhex mara Caasimadda xilli lagu guda jiro Maalintii 3aad ee Ciidul Adxa isla markaana Magaalada ay ka da’ayaan roobab xagaa ah.
Duqa Muqdisho ayaa u kuur galay goobaha Roobabka xagaaga uu biyo dhigay iyo bulaacadaha qaada biyaha, waxaa uuna faray Agaasinka Bulaacadaha & Agaasinka guud ee Bilicda iyo Nadaafada in la dar-dar geliyo howlaha biyo qaadista iyo Nadaafada Caasimadda Muqdisho.
Maalmihii u danbeeyay ayaa waxaa Magaalada Muqdisho ka da’ayay roobab xagaa ah iyadoona Waaxaha kala gedisan ee Maamulka Gobolka Banaadir ku Mashquulsan yihiin sidii Bilicda iyo Biyaha Roobka uu dhigay Magaalada wax looga qaban lahaa.
Dhawaan ayey aheyd markii Guddoomiyaha Gobolka Banaadir Ahna Duqa Magaalada Muqdisho Cumar Maxamuud Maxamed (Cumar Filish) uu kormeer ku tegay wadada 30-ka gaar ahaan halka ay biyaha ka fiistaan ee Shrkadda Daalo.
HALKAAN KA DAAWO MUUQAALKA
