Dhuusamareeb (HM) – Warar kala duwan ayaa ka soo baxaya qarax xoogan oo goor dhow ka dhacay magaalada Dhuusamareeb ee xarunta Galmudug.
Qaraxa oo ismiidaamin ahaa ayaa jugtiisa si xoogan laga maqlay gudaha magaalada iyo daafaheeda.
Dad goobjoogayaal ah aya sheegay inuu is qarxiyey Qof fadhiyey Maqaayad lagu shaaxo oo ku dhow halka lagu magacaabo xarunta Inji.
Wararka ayaa sidoo kale intaasi ku daraya meesha uu qaraxu ka dhacay uu wax yar u jiro xafiiska madaxda xukuumadda Galmudug Sheekh Maxamed Shaakir Cali Xasan.
Khasare xoogan oo isugu jira dhimasho iyo dhaawac ayaa jira, balse weli ma cadda inta uu la’eg yahay.
Ciidamo fara badan ayaa goobta isku geedaamay, kuwaasoo gabi ahaan xiran meesha uu qaraxu ka dhacay.
Weerarkan ayaa ku soo aadaya, xilli Dhuusomareeb haatan ay ku sugan yihiin mas’iiliyiin sar sare ee uu ka mid ah yahay Ra’iisul wasaaraha Soomaaliya Xasan Cali
