Kismaayo ( HM) Guddiga madaxa banaan ee xuduudaha iyo doorashooyinka Jubbaland ayaa caawa shaaciyay Liiska xubnaha cusub ee Baarlamaanka labaad ee Jubbaland.
Liiska oo ka kooban 73 Xildhibaan ayaa lagu sheegay in muddo 20 cisho ah ay ku mashquulsanaayeen Odayaasha dhaqanka Jubbaland soo xulista xubnaha Xildhibaanada Baarlamaanka labaad ee Jubbaland, iyagoo liiska u soo gudbiyay Guddiga doorashooyinka si waafaqsan hannaanka doorashooyinka Jubbaland.
Guddiga Madaxa bannaan ee xuduudaha iyo doorashooyinka ayaa sheegay in shanta beelood ee hab qeybsiga 4.5 lagu sameeyay xubnaha cusub ee Baarlamaanka labaad ee Jubbaland.
Arintan ayaa kusoo aadaysa iyadoo Mudooyinkii dambe uu taagnaa Muranka ku aadan Qaabka loo soo xulayo Xildhibaanada, iyadoo Inta badan Odayaasha dhaqanku ay ku gacan saydheen, Sidoo kalana Musharixiinta ayaa kalsoonida kala noqday gudiga Doorashooyinka, Lama Hubo inay hada Aqbali doonaan Baarlamaanka Cusub.
