Madaxweynaha Maamulka Puntland C/weli Maxamed Cali (Gaas) ayaa sheegay in Maamulkiisa uu ku filan yahay dagaalka Kooxda Daacish iyo Al-Shabaab.
Waxa uu sheegay in Kooxda Daacish ee degaanada Puntland ku sugan ay ka guuleysteen islamarkaana ay qasaaro badan gaarsiiyeen.
HALKAN RIIX DAAWO VIDEO
Sidoo kale Gaas ayaa sheegay in ay ka hortageen Weerar ay ku soo qaadeen Xarumaha Maamulka Puntland, sidoo kalena ay ka guuleysteen sida uu sheegay.
Madaxweyne Gaas ayaa tilmaamay in Ciidamada Puntland ay ku filan yihiin in Al-Shabaab iyo Kooxda Daacish ay ka saaraan degaanada ay hada ku sugan yihiin.
Dhanka kale Madaxweynaha Maamulka Puntland C/weli Maxamed Cali (Gaas) ayaa sheegay in dhinacyo badan ay ka taageeraan Maamulada kale ee Dalka ka jira.
Waxa uu sidoo kale sheegay in dhinacyada Caafimaadka, la dagaalka Al-Shabaab, Amniga iyo Waxbarashada ay taageeraan Maamulada kale, isaga oo tilmaamay in Puntland ay diyaar u tahay in ay wada shaqeyn dhab ah la sameyso Maamulada Dalka ka jira iyo Dowladda Federaalka Soomaaliya.
