Sarkaal hore uga tirsanaa Wasaaradda Caddaalada dalkaasi oo lagu magacaabo Joespeh Felix Badio ayaa la sheegay in laga yaabo inuu ahaa Shaqsigii bixiyey dilkii Madaxweynihii hore ee dalka Haiti, Jovnel Moise.
Taliyaha Guud ee Boliska dalka Kolombiya, Jeneral Jorge Vargas ayaa hadalkaasi ku sheegay Baaritaanka hordhac ah ee ku aadan dilkii Madaxweynihii hore ee dalka Haiti, kaasi oo bishan July 7-dii lagu dilay Caasimadda Haiti ee Bort-Au-Birinsi (Port-au-Prince).
Baaritaano ay si wadajir ah u wadaan Dowladaha Haiti iyo Colombia iyo Ururka Boliska Caalamiga ee INTERPOL ayaa shaaciyey inuu Joespeh Felix Badio u muqudo inuu bixiyey Amarka dilkaasi 3 maalmood ka hor markii uu dhacay Weerarkii lagu khaarijiyey Madaxweynihii hore ee Haiti.
HALKAAN KA DAAWO MUUQAALKA
Sida laga soo xigtay Taliyaha Boliska dalka Columbia, waxa Baaritaanka lagu helay inuu Joespeh Felix Badio amray Askar horey uga tirsanaa Ciiddanka Columbia oo lagu kala magacaabo Duberney Capador and German Rivera oo uu la xiriiray, si ay u dilaan Madaxweynihii hore ee Haiti.
