Garoowe (HM)-Wasiirka Duulista Hawada iyo Garoomada maamul gobaleedka Puntland Ilyaas Cismaan Lugatoor Ayaa warbaahinta la wadaagay , in 7 Kamid ah Shaqaalihii dhowaan laga Caydhiyey Garoonka Diyaaradaha ee Hargeisa ay ka shaqo Bilaabeen Garoonka Diyaaradaha magaalada Garoowe.
Horaantii Bishan ayay ahayd Markii in ka badan 40-Shaqaalle ah Laga Caydhiyey Garoonka Hargeisa, Kuwaasi oo lagu eedeeyay inay dhaqaalle ka helayeen DF-Somaaliya oo la wareegtay maamulka Hawada, Waxaana shaqaalahan la sheegay inay Khibrad badan u lahaayeen Arimaha Duulista iyo Hawada iyagoo Hay’adii maamulaysay Hawada Soomaaliya ay Tababar badan siisay.
HALKAN KA DAAWO VIDEO
Puntland ayaa sheegtay inay Fursad u tahay in la helo shaqaalle Noocan ah, Islamarkaana ay hada ka Faa’iidaysteen Shaqaalahan, Wuxuuna xusay inay Rajyanayaan in Qaar kale la keeno Garoonka Gaalkacyo, Wuxuuna sheegay inaysan Puntland Joogin Shaqaalle Khibradan oo kale leh.
