Kismaayo (HM ) Ciidamada Maamulka Jubbaland ayaa goordhowayd oo Saaka ah soo gaba gabeeyay weerarkii magaalada Kismaayo kaasi oo Qaatay Saacado badan, Iyadoo Maleeshiyaadkii Weerarka Qaaday ay ilaa Xalay ka dhex dagaalamayeen gudaha Hoteelka Cascaseey ee magaalada Kismaayo.
Waxaa la sheegay in Inta badan ragii Weerarka fuliyey la dilay, marka laga reebo hal nin oo Dhaawac ah oo ay Ciidamadu nolal ku qabteen.
HALKAN KA DAAWO VIDEO
Ilaa iyo hadda macadda tirada rasmiga ah ee khasaaraha dhimashada iyo dhaawaca, marka laga soo tago tiro gaadhaysa ilaa 12 ruux oo xalay meydadkooda la geeyay Isbitaalka guud ee magaalada kuwaasoo isugu jiray kuwo uu ku geeriyooday Qarixii koobaad ee ismiidaamita ahaa iyo Rasaasta wiiftada ah.
Warar soo baxaya ayaa sheegay in Khasaaraha Dhimasho ee Weerarkaasi uu gaadhayo ilaa 20-Ruux.
Madaxweynaha maamulka Jubaland Axmed Madoobe ayaa sheegay in wixii warbixin ah ay dhiibi doonaan marka ay weerarka soo gaba gabeeyaan
Xaalka magaalada Kismaayo ayaa Ilaa shalay Galab iyo Saaka waxay ahayd mid ku dheehan tahay murugo ,walwal iyo cabsi.
