Laascaanood (HM)-Maamulka Somaliland ayaa ka hadlay dagaalkii maanta ka dhacay Deegaanka Gambadhe ee Gobolka Sool, kaasi oo gaystay khasaare kala duwan.
HALKAN KA DAAWO VIDEO
Afhayeenka Ciidamada maamulka Somaliland ayaa in Shalay iyo maanta Dagaal Gaadmo ah Puntland ugu gaystay Ciidamada Somaliland Gobolka Sanaag iyo Sool, Sida uu hadalka u dhigay.
” Maanta Laba gaadhi oo Puntland leedahay ayaa soo weeraray Ciidamada Somaliland ee Gambadhe Gobolka Sool, Labadii Gaadhi mid kamid ah waanu ka Qabsanay, Afar Qof waanu ka dhaawacnay, Hadii ay Puntland Joojin waydo Duulaanka, Waxaanu ka bixin doonaa Tallaabo ku Haboon” Ayuu yidhi Afhayeenka Ciidanka Somaliland Cabdi dheere.
Warar soo baxaya ayaa sheegaya inay Weerarka Gaysteen Jabhada Xoraynta gobolada SSC ee uu hogaamiyo Faysal Falaalug, Inkastoo Somaliland ay ku eedaysay Puntland.
