Hargeysa (HM)-Magaalada Hargeysa ee xarunta Maamulka Somaliland wararka naga soo gaadhaya ayaa waxay sheegayaan in halkaas lagu gubay Meydadka dad la sheegay iney u dhinteen Cudurka COVID-19.
Degaan lagu magacaabo Xeedho oo ku yaalla Waqooyiga Magaalada Hargeysa ayaa la sheegay in lagu gubay meydadka dad ajaaniib ah oo cudurka u dhintay sida ay dad goob joogayaal ah warbaahinta u sheegeen, iyadoo arrintan haddii la xaqiijiyo ay noqoneyso mid ku cusub deegaanada maamulka Somaliland.
Dadka degaanka qaarkood ayaa ku waramay in duhurnimadii shalay ay arkayeen Meydad degaanka lagu keenayo Gaadiid, kadibna dab la qabad siiyay.
HALKAN KA DAAWO VIDEO
Maamulka Somaliland ayaan weli ka hadlin dhacdadan la sheegay in lagu gubay dad ajaaniib ah oo u dhintay Cudurka COVID-19, iyadoo arrintan ay ku soo aadeyso xili ay sii kordhayaan kiisaska cudurka COVID-19 ee laga soo sheegayo Somaliland.
Horufadhi News
