Hargeisa ( HM ) Faadumo Siciid oo kamid ah Xisbiga Wadani ayaa maanta ku dhowaaqday inay Iska Casilayso Xilkii ay ka haysay Xisbiga Wadani, Waxayna xustay inay isku Casishay Xaaladaha kala duwan ee ka taagan maamulka Somaliland.
“Bariga sanaag waad aragtay waxa kasoo Kordhay, Ceel Afwayn waad ogtahay in la kala saari waayey Laba Qoys, sidoo kale Jabhado ayaa ka dilaacay Somaliland, Arimihii dibadda oo wax ka dhaca mooyee, aan waxba u siyaadin, Xaalada dalku waxay Noqotay Gaadhi Banjaray.
HALKAN KA DAAWO
Waxaa Damiirkaygu Ogolaan waayey inaan ku Milmo Jaah-wareerka taagan, Waxaan go’aansaday inaan iska Casilo xilkii aan ka hayey wadani, Waan Arki waayey isbade, Siyaasadda inaan isaga jiro waxaa ka fiican anigoo noqda Siyaasi Madax banaan.” Ayay tidhi Faadumo Siciid.
Dhinaca kale Faadumo Siciid ayaa sheegtay inaanu Jirin wax Khilaaf ah oo kala dhexeeya Hogaanka Xisbiga Wadani , Waxayna xustay inaanu Jirin wax Codsi ah oo uga yimid dhinaca Madaxwaynaha Somaliland.
Ugu dambayntii waxay ku dar-daarantay in laga shaqeeyo danta guud, Waxayna ka hadashay arimo kala duwan.
