Laascaanod ( HM ) Magaalada Harare ee Caasimadda Zimbabwe waxaa galabta ka dhacday lugtii labaad ee ciyaaraha isreeb-reebka Koobka Adduunka oo Soomaaliya ay markii hore kusoo adkaatay 1-0, ciyaartaas ayaa ka dhacday Dalka Jabuuti, waxaa Goalka guusha u dhaliyay Soomaaliya Xidiga Anwar.
HALKAN KA DAAWO VIDEO
Xulka Soomaaliya ayaa ka haray isreebreebka Koobka Adduunka ee wadamada Afrika ka dib markii ay guuldarro 3-1 ka soo gaartay Zimbabwe kulankii lugta labaad ee ka dhacay magaalada Harrare taasoo ka dhigeysa in wadar ahaan ay labada lug ku soo dhamaatay 3-2 oo ay xulka Zimbabwe ku soo baxeen.
Soomaaliya ayaa ka hartay isku aadka Koobka Adduunka iyadoo madaxooda uu sareeyo madaama ay durbaba dhigeen taariikh iyagoo guushii ugu horeysay abid ka gaaray isreebreebka Koobka Adduunka halka ay sidoo kale iska caabiyeen xulka ugu qiimeyn sareeya xulalka ka qeyb qaadanaya is araga hore ee isreebreebka ee wadamada Afrika.
