Muqdisho ( HM ) Wasaarada Caafimaadka ee xukuumadda federaalka Soomaaliya ayaa sheegtay goor dhowayd in kiiskii 8aad ee la xidhiidha Cudurka Coronavirus laga helay Muqdisho, Sida lagu sheegay War goor dhowayd kasoo baxay Wasaaradda.
HALKAN KA DAAWO VIDEO
Waxaa la sheegay in oday 58 jir ah oo degan magaalada Muqdisho Islamarkaana aan gelin wax Safar ah laga helay cudurka. ” Waxaa soo kordhay xaaladii 8aad oo xanuunka COVID-19 lagu xaqiijiyey. Waa muwaadin Soomaaliyeed oo lab ah, da’diisuna tahay 58 sano, wuxuuna deegaan ku yahay Muqdisho oo safar kuma iman” .
Arrintan ayaa sii xoojineysa walaaca laga qabo in cudurkan uu si hoose ugu faafayo bulshada magaalada Muqdisho oo aan ku baraarugsaneyn halista cudurkan, nolol maalmeedkooda caadiga ahna iska wata.
Waa qofkii labaad ee ka mid ah dadka Muqdisho ku nool oo laga helo cudurkan sida ay sheegtay Wasaarada caafimaadka oo dadweynaha ugu baaqday iney foojignaadaan, isla markaana qaataan talooyinka dhaqaatiirta iyo heyadaha caafimaadka ee la xiriira ka hortaga cudurkan.
