Ceerigaabo (HM)-Taliyaha Qeybta 9-aad ee ciidamada Difaaca dowladda Puntland ee fadhigoodu yahay gobolka, Sanaag S/ Guuto Cabdullaahi Cumar Canshuur oo u waramay warbaahinta ayaa xaqiijiyay in malayshiyaad ka tirsan Xoogaga Al-shabaab ay qabsadeen degaanka Gacan-maroodi oo ka tirsan Degmada Yubbe ee gobolka Sanaag.
HALKAN KA DAAWO VIDEO.
Taliyahan u hadlay Ciidamada Puntland ayaa sheegay, in malayshiyaad tiradooda lagu qiyaasay 70 dagaallame oo ka tirsan Xoogaga xidhiidhka la leh Al-qaacida ee Al-shabaab ay dhufaysyo ka samaysteen degaanka Gacan-maroodi oo dhanka waqooyi kaga beegan degmada Yubbe ee gobolka Sanaag.
Gen Canshuur, ayaa Somaliland ay ku eedeeyay in ay xiriir hoose la leedahay dagaal-yahannada Al-shabaab ee halkaasi qabsadaay, isagoo xusay in ay xoojinayaan ciidamada Somaliland ee ku sugan Yubbe, kadib markii culays ka soo fuulay dhinaca Puntland, sida uu hadalka u dhigay.
Taliyaha ayaa ku hanjabay, in ay jawaab adag siin doonaan dagaallamayaasha Al-shabaab iyo Somaliland oo sida uu tilmaamay is-garabsanaya.
