Garoowe ( HM) Xildhibaan Abwaan Abdirashid Yusuf Jibril ayaa loo doortay Guddoomiyaha Baarlamanka ee Puntland afarta sano ee soo socota.
Wuxuu heley 46 Cod, halka Xildhibaan Cabdi jamaal oo la tartamayay uu heley 17 Cod, waxaana guud ahaan codeeyay 63 Mudane.
Cabdirshiid wuxuu soo noqday Agaasimihii warfaafinta ee Madaxtooyada xiligii Cabdiwali Gaas.
Dhinaca kale Madaxweynihii hore ee Puntland Cabdiweli Maxamed Cali Gaas ayaa u soo hambalyeeyay Guddoomiyaha cusub ee Baarlamanka.
HALKAN KA DAAWO
“Waxaan u hambalyaynayaa saaxiibkay cabdirashiid yuusuf Jibriil oo maanta loo doortay guddoomiyaha golaha wakiilada puntland. Allaha kugu asturo xilka laguu doortay. Reer puntland waxaan leeyahay ilaahay u mahadnaqa oo ammaankiina xagsada.” ayuu yidhi Gaas.
Arintan ayaa kusoo beegmaysa kadib markii Xilka laga tuuray Gudoomiyihii Hore ee Baarlamaanka Cabdixakiin DhooboDaareed oo hada Olole ka dhan ah Puntland ka wada deegaanada uu kasoo jeedo ee Gobolka Sanaag.
