Garoowe (HM)-Madaxweyne Ku-xigeenka maamulka Puntland Axmed Cilmi Cismaan Karaash, ayaa tababar u soo xidhay cutubyo ka tirsan Ciidamada Daraawiishta maamulka Puntland oo muddo 6 Bilood ah tababar uga socday xerada Tababarada Ciidamada Daraawiishta Puntland ee Xorgoble.
Madaxweyne ku-xigeenka Puntland ayaa bogaadiyey dhoolatus ay Ciidamada la tababaray oo loogu magac daray (Galayr) soo bandhigeen, wuxuuna sheegay in tayeynta Ciidamada iyo inay helaan Mushaharaadkooda si joogto ah ay tahay waxyaabihii ay ku guuleysatay sanadka hadda dhammaaday.
HALKAN KA DAAWO VIDEO
Ugu danbeyn Axmed Karaash ayaa kula dardaarmay Ciidamada la tababaray in ay noqdaan kuwo sida ay tahay u guta waajibaadka saaran.
Dowladda Soomaaliya oo khilaaf xoogan uu kala dhaxeeyo maamulka Puntland ayaa horey dhowr jeer u tababartay Ciidamo loogu magac darey Haramcad iyo Gorgor,kuwaas oo howlgallo kala duwna ka fuliya Gobolada dalka Soomaaliya.
