Madaxweyne ku-xigeenka dowlad goboleedka Hirshabeelle Yuusuf Axmed Hagar (Yuusuf Daba-geed) ayaa gelinkii dambe ee shalay soo gaaray Magaalada Caasimadda ah ee Muqdisho.
Madaxweyne ku-xigeenka Maamulka iyo wafdi uu hoggaaminayay ayaa waxaa Garoonka diyaaradaha Aadan Cadde kusoo dhaweeyay ildhibaanno ka tirsan labada gole ee dowladda Federaalka, Mas’uuliyiin ka tirsan Hirshabeelle iyo marti sharaf kale.
Madaxweyne ku-xigeenka dowlad Goboleedka Hirshabeelle Yuusuf Axmed Hagar (Yuusuf Daba-geed) ayaa inta uu ku sugan yahay Magaalada Muqdisho waxaa uu kulamo la qaadan doonaa Mas’uuliyiin kala duwan.
HALKAAN KA DAAWO MUUQAALKA
Yuusuf Axmed Hagar Madaxweyne ku-xigeenka Hirshabeelle ayaa maalmahan socdaal shaqo ku joogay magaalada Buula-burte, halkaasi oo uu kulamo kula qaatay maamulka Degmada, saraakiisha ciidanka xoogga dalka iyo qeybaha kala duwan ee bulshada oo uu kala hadlay xaaladaha guud ee Degmada.
