Garoowe (HM)-Siyaasi Cabdulaahi Jaamac Saalax oo kamid ah siyaasiyiinta Puntland horeyna usoo noqday wasiirkii Dekedaha iyo gaadiidka Badda Puntland ayaa sheegay in shirkadda P&O Port ay ku guuldareysatay in ay dhisto Dekedda weyn ee magaalada Boosaaso xili ay heshiis dhisme kula wareegtay Dekedda sanaddii 2017.
HALKAN KA DAAWO VIDEO
Siyaasigan oo wareysi gaar ah siiyay barnaamijka Diirada ee ka baxa warbaahinta HM ayaa sheegay in dadka reer Puntland ay rajo wanaagsan ka qabaan xukuumaddan cusub in ay dib u eegis ku sameyso heshiiskii balaarinta Dekedda Boosaaso ee shirkadda P&O Port ay hore ula gashay xukuumaddii madaxweyne Gaas.
Xukuumaddu waa xukuumad cusub welina rajo ayay dadka reer Puntland ka qabaan marka waxaan isleeyahay heshiiskii ay xukuumaddii aan anigu mar kamid ahaa la gashay shirkadda P&O in umadda lagu ilduufay hadana ay muhiim tahay in dib loo eego.
