Ka dib markii uu shalay soo dhammaaday tababarkii u socday Guddiyada Doorashooyinka Dalka ayaa guddiga Doorashooyinka Heer Federal ee 2020-2021 waxaa uu guda galay qabanqaabada doorashada Guddoonka Gudddiga oo maanta ka dhacday Muqdisho.
Mudane Maxamed Xasan Maxamed Ciro ayaa loo doortay inuu noqdo gudoomiyaha Guddiga Doorashooyinka ee Heer Federal ee 2020-2021.
Maxamed Xasan Maxamed (Cirro) ayaa 14 cod helay wareegii labaad ee doorashada loogu tartamayay gudoomiyaha Guddiga Hirgelinta Doorashooyinka Heer Federaal halka Liibaan Maxamed Xasan oo la tartamayey uu helay 11 cod.
Sidoo kale, Doorashadii gudoomiye ku xigeenka Guddiga Hirgalinta Doorashooyinka Heer Federal waxa ku guulaystay Qareen Mawliid Mataan Salaad.
HALKAAN KA DAAWO MUUQAALKA
Guddoomiye Maxamed Xasan Cirro ayaa si iska casilay xilkan maalmo ka hor, isagoo ku wareejiyey guddoomiyaha ku meel gaarka ah oo qaban-qaabiyey doorashada uu mar kale ku soo baxay.
