Wasiirka Gaashandhigga xukuumadda FS Cabdulqaadir Maxamed Nuur ayaa safaaradda Mareykanka ee Soomaaliya kala wareegay hub ay ugu talagaleen ciidanka Danab.
Safiirka Maraykanka u fadhiya Soomaaliya Larry Andre ayaa munaasabadda ay ku wareejinayeen hubka, agab ciidan iyo gadiidka ka sheegay inay tahay deeqdan mid ay ugu talagaleen xoojinta la dagaallanka kooxda Al-Shabaab.
Wasiirka Gaashaandhigga ayaa uga mahad celiyey dowladda Mareykanka garab istaagga ay u muujiyeen ciidanta, ayna taageeradan fariin u tahay dalalka kale sida Soomaaliya ay ugu diyaar garowday, laguna aamini karo hubka casriga ah.
Wasaaradda gaashandhigga ayaa mudooyinkii dambe xoojijeysay dagaalka ka dhanka ah kooxda Al-shabaab, iyadoo hadda laga xoreeyey deegano badan oo ku yaalla dalka, sidoo kale waxa ay xoojisay tayeynta iyo kor u qaadidda awoodda ciidamada xoogga dalka Soomaaliyeed.
HALKAAN KA DAAWO MUUQAALKA
