Warar dheeraad ah ayaa kasoo baxaya Qarax Is-miidaamin ah oo gelinkii dambe ee shalay ka dhacay goob Maqaayad ah oo ku taalla Isgoyska Jubba ee Magaalada Muqdisho dhinaca xiga degmada Shibis ee Gobolka.
Qaraxa oo uu fuliyay qof isku soo xiray Jaakad waxyaabaha qarxa ayaa isku dhex qarxiyey dad isugu jiray shacab ah iyo Askar oo ku sugnaa Maqaayad lagu shaahcabo oo ku taalla Isgoyska Jubba.
Khasaaro isugu jiray dhimasho iyo dhaawac ayaa ka dhashay qaraxaas oo jugtiisa laga maqlay inta badan degmooyinka Gobolka Banaadir, waxaana la xaqiijiyay inay ku dhinteen 10 qof, halka dad kalena ay dhaawacmeen.
Al-shabaab ayaa sheegtay Mas’uuliyada qaraxaas, isla markaana sheegay inay la beegsadeen Askar iyo shaqaale dowladeed oo ku sugnaa Maqaayada oo dhimasho iyo dhaawac ah ku noqday.
HALKAAN KA DAAWO MUUQAALKA
