Warar dheeraad ah ayaa kasoo baxaya dab xoogan oo duhurnimadii Maanta ka kacay Guri ku yaalla degmada Xamarweyne ee Gobolka Banaadir, kaasi oo markii hore ka dhashay koronto ku jirtay Guriga.
Guriga ayaa ku yaalla xaafadda waaxda barwaaqo ee degmada Xamarweyne, waxaana goobjoogayaal la hadlay warbaahinta ay sheegeen in dabka uu socday muddo ku dhow saacad, uuna ahaa mid xoogan.
Xubno ka tirsan Waaxda dab demiska Maamulka Gobolka Banaadir iyo dadweyne ayaa demiyay dabka oo geystay khasaaro hantiyadeed, waxaana goobta buux dhaafiyay dadyoow faro badan.
Ma jiro khasaaro nafeed oo dabkaas uu geystay, waxaana markii hore la sheegay in dabka uu ka dhashay koronto ku jirtay Guriga oo dhismo horey ahaa, iyadoona goobta ay tageen Mas’uuliyiin ka tirsan Maamulka Gobolka Banaadir.
HALKAAN KA DAAWO MUUQAALKA
Dabab xoogan ayaa sidaan oo kale uga kacay Suuqyo iyo Guryo ku yaalla xaafaddo ka tirsan degmooyinka Gobolka Banaadir, kuwaasi oo qaarkood geystay khasaaro isugu jira naf iyo mid hantiyadeed.
