Faaf faahhinno dheeraad ah ayaa kasoo baxaya Dab xalay ka kacay guri ku yaalla Magaalada Hargeysa ee Xarunta Somaliland, waxaana lasoo sheegayaa khasaaro baahsan oo dabkaasi uu gaystay.
Wararku waxaa ay sheegayaan in dabka oo ahaa mid aad u xooggan uu gaystay khasaaro nafeed iyo mid maal, sidoo kalena waxaa lasoo warinayaa dhaawacyo soo gaaray dad ka ag-dhawaa guriga dabku ka kacay.
Dabka ayaa sigaar ajh uga kacay Xaafadda Laynka Booliska ee magaalada Hargeysa, waxaana inta la xaqiijiyay ku geeriyooday labo carruur ah oo sida la sheegay ku jiray guriga dabku qabsaday, sidoo kalena waxaa bas-beelay guriga dabku ka kacay.
HALKAAN KA DAAWO MUUQAALKA
Mas’uuliyiin ka tirsan Somaliland ayaa tacsi u diray qoyska Carruurta ay ka geeriyoodeen, iyagoona tilmaamay inay wax ka qaban doonaan Dabka xiliyada qaarkood ka kaca Guryaha.
