Taliska Ciidanka Daraawiishta dowlad Goboleedka Galmudug ayaa sheegay in ay la wareegeen saldhigyo Al-Shabaab ku lahaayeen deegaanno dhaca Koonfurta Gobolka Mudug ee Maamulkaas.
Taliyaha la dagaallanka Argagixisada ee Daraawiishta Galmudug Geeddi Qalabxoor ayaa Warbaahinta Qaranka u sheegay in howlgal uu hogaaminayay Taliyaha Daraawiishta Galmudug Maxamed Nuur Cali Dagaar kula wareegeen Deegaannbada Digdigo, Hobayga iyo Deegaanno kale
Ciidamada ayaa inta howlgalku socday waxay ku guulaysteen inay soo saaraan miinooyin Argagixisadu ku duugeen saldhigyadii ay ka carareen maleeshiyaadka Al-Shabaab.
Deegaannadaan ay la wareegeen Ciidanka Daraawiishta Galmudug iyo kuwa Xoogga dalka ayaa bari ka xiga magaalada Camaara oo dhawaan laga xoreeyay argagixisada Al-Shabaab
HALKAAN KA DAAWO MUUQAALKA
