Ciidamada miino-baarista Booliska iyo kuwa Xoogga Dalka Soomaaliya ayaa ku guulaystay in ay soo saaraan miinooyin ay Al-Shabaab ku wareejiyeen fariisimihii ay ka carareen ee Bacaadweyne iyo Camaara ee koonfurta Mudug.
Qiyaastii afar xabbo oo miino ah oo isugu jira kuwa remoteka ah iyo kuwa anti-taangiga ah ayaa la soo saaray.
Ciidamada ayaa weli ku howlan howlgallada miini baarista ee ay ka wadaan aagga Bacaadweyne iyo Camaara oo maalmihii la soo dhaafay dad shacab ah ay wax yeelaysay miinada Al-Shabaab ay ku aastay deegaanadaas.
Laamaha Amniga ayaa sidoo kale sheegay in maanta in ay ka hortageen Qarax la doonayay in lala beegsado ciidanka.
