Taliska Hay’adda Nabadsugida iyo Sirdoonka Qaranka eev NISA ayaa shaaciyay in Taliyaha cusub ee KMG ah ee NISA Gaashaanle Sare Yaasiin Cabdullaahi Maxamuud ee uu xalay magacaabay Madaxweyne Maxamed Cabdullaahi Farmaajo uu xilka la wareegay.
Qoraal kooban oo lagu daabacay Bogga Twitter-ka Hay’adda NISA ayaa waxaa lagu sheegay in Munaasabad Maanta ka dhacday Xarunta Habar Khadiijo uu xilka kula wareegay Gaashaanle Sare Yaasiin Cabdullaahi ee uu magacaabay Farmaajo.
Gaashaanle Sare Yaasiin Cabdullaahi ayaa xilka kala wareegay Fahad Yaasiin Xaaji Daahir oo Madaxtooyada shaacisay inuu is Casilay, isla markaana Madaxweynaha dowladda Federaalka Farmaajo uu Yaasiin Fareey u dhiibay xilka NISA.
Ra’iisul Wasaaraha Xukuumadda Federaalka Maxamed Xuseen Rooble ayaa maalin kahor shaqo joojin ku sameeyay Agaasimihii Hay’adda NISA Fahad Yaasiin Xaaji Daahir, waxaana si KMG ah Taliyaha NISA ugu magacaabay Bashiir Maxamed Jaamac Bashiir Goobe.
HALKAAN KA DAAWO MUUQAALKA
