Midowga Musharaxiinta Madaxweynaha Soomaaliya ayaa goor dhow waxaa shir Allaabada u xiran yihiin uga bilowday Hotelka Jazeera ee Magaalada Caasimadda ah ee Muqdisho, kaasi oo looga hadlayo Arrimo kala duwan.
Ilo wareedyo lagu kalsoonaan karo ayaa xaqiijiyay in Shirka Midowga Musharaxiinta u socda looga hadlayo doorashadii Aqalka Sare ee ka dhacday dowlad Goboleedyada iyo doorashada soo socoto ee Golaha Shacabka.
Sidoo kale xubanaha Midowga ayaa iska xog-wareysanaya xaaladihii ugu dambeeyay ee siyaasadda dalka iyo doorashooyinka dalka ka socda, waxaana Shir kadib lagu wadaa inay warbaahinta la hadlaan.
HALKAAN KA DAAWO MUUQAALKA
Qaar ka mid ah Musharaxiinta Soomaaliya ayaa yaa walaac ka muujiyay hannaanka doorashooyinkii Aqalka Sare ee ka dhacay Jubbaland, Koonfur Galbeed, Puntland iyo Galmudug, inkastoo inta badan Musharaxiinta soo dhoweeyeen Senatarada la doortay.
