Wararka naga soo gaaraya gobolka Mudug ayaa waxa ay sheegayaan in Qarax miino uu haleelay gaari ay saarnaayeen dad shacab ah oo marayay degaano ku yaalla aagga degmada Bacaadweyne ee gobolka Mudug.
Labo ruux ayaa geeriyootay kadib markii gaari mini-bas ah/hoomeey ah ay Ku qaraxday Miino inta u dhaxeeysa magaalooyinka Qeycad iyo Bacaadweyne ee Mudug ee Maamulka Galmudug.
Dadka deegaanka qaarkood ayaa waxaa ay ku warrameen in gaariga ay saarnaayeen labo ruux oo kaliyah, islamarkaana ay halkaasi ku geeriyoodeen, waxaana halkaas tegay dad oo soo qaaday Meydadka.
Goobta uu qaraxu ka dhacay ayaa maalmihii lasoo dhaafay waxaa ku dagaallamayay Ururka Al-Shabaab iyo Ciidanka daraawiishta Galmudug, isla markaana Al-shabaab laga qabsaday deegaano dhowr ah oo gacanta ay ku hayeen.
