Taliyaha Ciidanka Boliiska Soomaaliyeed, S/gaas Cabdi Xasan Maxamed Xijaar, ayaa xafiiskiisa ku qaabilay wafti INTERPOL ah wafdigaan oo ahaa heer caalami, ayaa booqasho ku yimid, Taliska Ciidanka Boliiska Soomaaliyeed ee uu ku yaalo Xafiiska Hoggaanka Interpol.
Kulanka ayaa lagu gorfeeyay howlaha iyo Iskaashiga Interpol ee dhanka hay’adaha Amniga Soomaaliya, waxaana lagu balamay wadashaqeyn iyo iskaashi heer caalami ah, si loo dardar-geliyo howlaha muhiimka ah.
Sidoo kale kulanka ayaa waxaa inta uu socday lagu soo hadal qaaday diyaar garowga laamaha amniga dowladda ee sugida amniga doorashooyinka la filayo inay ka dhawaan ka dhacaan Soomaaliya, kadib markii heshiis la gaaray.
Hayada Socdaalka iyo Jinsiyadaha oo bah-wadaag la ah Ciidanka Boliiska, ayaa iyaduna qeyb ka aheyd kulanka, waxaana ka qeyb galay Agaasimaha Guud ee Hay’ada, G/sarre Maxamed Adan Koofi.
Saraakiisha kala duwan ee ka socday Booliska Caalamiga ee NTERPOL ee Maanta soo gaaray Magaalada Muqdisho ee Caasimadda dalka ayaa Taliyaha Ciidanka Jeneraal Xijaar uga mahadceliyay soo dhaweynta uu u sameeyay.
