Maktabada Qaranka Qadar ayaa ugu deeqday Maktabada Qaranka Soomaaliyeed in ka badan 4,000 oo buugaag oo isugu jira dhinacyada kala duwan ee aqoonta, dhaqanka iyo cilmi baarista, waxayna tani ku timid qaab iskaashi dhexmara labada dal ee dhinacyada waxbarashada iyo dhaqanka.
Wasiirka Warfaafinta iyo Dalxiiska Soomaaliya Cusmaan Abuukar Dubbe ayaa khudbadiisa kaga mahadceliyay dowlada iyo shacabka Qadar sida hagar la’aanta ah ee ay u garab istaageen isagoo carabka ku adkeeyay in Soomaaliya ay ku faraxsantahay taageerada joogtada ah.
Cabdalla Abu Bakar Xaaji, Wasiirka Wasaaradda Waxbarashada, Hiddaha iyo Tacliinta Sare ee Soomaaliya, ayaa dhankiisa uga mahadceliyey dowladda iyo shacabka Qatar taageerada joogtada ah ee ay siiyaan Soomaaliya iyo sida ay ugu heellan yihiin in ka badan 4,000 buug oo ka socda Maktabadda Qaranka Qatar.
Sido kale waxaa munaasabadaasi ka hadlay Dr. Maxamed Axmed Sheil, agaasimaha maktabadda Qaranka Soomaaliyeed, Dr. labada maktabadood ee is weydaarsiga khibradaha iyo waxyaabaha qadiimiga ah, waxaana u mahadcelinayaa dowladda iyo shacabka Qadar dadaalkeeda ku aadan taageerada Soomaaliya iyo garab istaagga xilliyada adag.
HALKAAN KA DAAWO MUUQAALKA
