Dhuusamareeb ( HM)-Axmed Maxamed Islamaam (Madoobe) iyo wefdi uu hoggaaminayo ayaa si diiran loogu soo dhoweeyay magaalada Dhuusamareeb ee Xarunta maamulka Galmudug.
Axmed Cabdi Kaariye (Qoorqoor) Madaxwyanaha Galmudug iyo Masuuliyiin kala duwan ayaa ka Qayb galay soo dhowaynta Madaxwyanaha Jubbaland Axmed Madoobe.
Magaalada Dhuusamareeb ee Xarunta maamulka Galmudug waxaa la filyaaa inuu Galabta ka Furmo Shirka madaxda maamul goboleedyada Soomaaliya.
Shirka madaxda maamulada ayaa la filayaa in looga hadlo Xaalada Guud ee dalka iyo Arimaha Doorashooyinka .
Dhuusmareeb waxaa ku sugan Madaxwayneyaasha Jubbaland, Koonfur Galbeed, Puntland, Hirshabeelle iyo Galmudug oo marti gelisay shirka maamulada.
Dowladda Federaalka Soomaaliya ayaa wuxuu khilaaf kala dhexeeyaa Maamulada Puntland iyo Jubbaland, waxaana baaqday Shirkii la filayey ee Madaxwayne Farmaajo uu ku baaqay.
Dhanka kale Madaxwaynaha Dawlad goboleedka Soomaaliyeed ee Galmudug Axmed Cabdi Kaariye Qoor-Qoor ayaa goor dhowayd garoonka diyaaradaha ee Dhuusamareeb kusoo dhoweeyay dhiggiisa Puntland Siciid Cabdullaahi deni.
soo dhowayn kadib madaxwaynaha Puntland waxaa loo gelbiyey Xarunta Madaxtooyadda ee Galmudug.
Madaxda maamulada Soomaaliya ayaa shir uga furmayaa maanta magaalada Dhuusamareeb, waxaana la filayaa inuu goor dhow soo gaadho madaxwaynaha maamulka Jubbaland Axmed Madoobe.
Waxaa hada dhuusamareeb ku sugan madaxda maamulada Hirshabeelle, Koonfur Galbeed, Puntland iyo Galmudug oo marti gelisay shirka.
Horufadhi News
