Laascaanood (HM)-Maamulka Soomaliland gaar ahaan xubnaha kaga sugan wasaarada Howlaha guud iyo guryeynta iyo Dowladda hoose oo iskaashanaya ayaa waxaa ay maalmahanba wadeen burburin dhismayaasha ganacsiga ee wadada Halbowlaha ah ee Laascaanood soo gala.
Maamulka Soomaliland ee gobalka Sool ayaa talaabadan kun sheegay mid dib loogu hagaajinayao bilacda magaalada Laascaanood, laguna burburinayo wax ay ugu yeedheen dhismayaasha sharci darada ah ee wadada soo galay.
Shacabka magaalada Laascaanood ayaa talabadan iyo qorshaha maamulka Soomaaliland waxaa ay u arkaan mid lagu beegsanayo ganacsiga yaryar ee danyarta islamarkaana lagu naafaynayo horumarka ay sameeyeen sanadihii u dambeeyay.
HALKAN KA DAAWO VIDEO
Dhanka kale dadka reer Laascaanood ayaa iswaydiinaya sababta Wasaarada howlaha guud iyo guryeynta maamulka Soomaliland kaliya ay amaradeeda uga shaqeeyaan Laascaanood iyadoo la wada ogyahay xaaladaha wado xumada ah iyo dhisme xumada ka jirta Hargeysa oo ah Caasimadda Soomaliland xarunta wasaaraduna ku shaqayso.
Shacabaka Laascaanood ayaa arrintaas su,aallo ka keenay waxaana loo arkaa qorshaha burburinta ee wasaarada oo mudadii ay jirtayba wasiir qambi uu kusoo laab laabanayey Laascaaood mid aan waxba kisii socon doonin sababo badan owgeed.
Horufadhi News
