Guutada 16-aad ee ciidanka Kummaandoska Xoogga dalka ayaa howlgal qorsheysan oo ay ka fuliyeen Degaanada Fiidow, Dudubley, Kiliga Shiinaha iyo Burco-dheer oo ka tirsan Gobolka Hiiraan ee Maamulka Hirshabeelle.
Saraakiisha hogaamineysay howlgalkan ayaa waxaa sheegeen iney dileen in ka badan 60 dagaalyahan oo ka tirsan Al-Shabaab, ayna gubeen xarumo ay laheyd kooxdaas, kuwaasi oo ku sugnaa deegaanada howlgalka laga fuliyey…
G/lle Xasan Maxamed Cismaan (Tuure) oo Ciidankan hogaaminayey ayaa sheegay in sidoo kale Howlgalka lagu dilay Amiirkii Jabhadaha Hiiraan u qaabilsanaa Al-shabaab.
Waxaan sidoo kale burburinay xarumo Qaraxyada lagu farsameyn jiray iyo goobo ay argagixisada ku qaadan jireen lacago Baad ah” ayuu yiri taliyaha oo intaas ku daray iney sii socon doonaan howlgalada tan iyo inta ay dalka oo dhan ka ciribtirayaan Al-Shabaab sida uu yiri.
