Qaraxa oo ahaa miinada dhulka lagu Aaso ee meelaha fogfog laga hago ayaa waxaa uu Maanta Barqadii ka dhacay duleedka Magaalada Kismaayo, waxaana ka dhashay khasaaro isugu jira dhimasho & dhaawac.
Qaraxa ayaa waxaa la sheegay in uu haleelay Gaari Qooqan ah oo uu watay Sarkaal ka tirsan Ciidamada Jubbaland xilli uu marayay inta u dhaxeysa degaannada Baarka iyo Buulo-Guduud.
Al-Shabaab oo sheegtay mas’uuliyadda qaraxa ayaa waxaa ay sheegeen inay ku dileen Sarkaalka xukuma Ciidamada Jubbaland ee Aaga degaannada Baarka iyo Buulo-Guduud iyo qaar kamid ah ilaaladiisa.
Sarkaalka qaraxa lagu dilay ayaa waxaa lagu Magacaabi jiray Cabdiraxmaan Mooraal, wuxuu ahaa mid siweyn ula dagaalami jiray Al-shabaab.
Saraakiisha Ciidamada Daraawiishta Jubbaland ee ku sugan Gobolka Jubbada Hoose ayaan weli ka hadlin qaraxaas, waxana dhowr jeer sidaan oo kale qaraxyo ay uga dhaceyn wadada u dhaxeysa degaannada Baarka iyo Buulo-Guduud ee Gobolka Jubbada Hoose.
