Dagaal xoogan oo geystay khasaaro isugu jira dhimasho iyo dhaawac ayaa waxaa uu deegaanka Cadakibir ee hoostega Cadaado ku dhexmaray Ciidanka dowladda, kuwa Galmudug iyo dagaalamayaasha Al-shabaab.
Dagaalkan ayaa markii hore gelinkii shalay ka bilowday weerar ay Ciidanka dowladda ku qaadeen farriisimo Shabaabka lahaayeen, waxaana intaas kadib dhacay dagaal la isku adeegsaday hubka noocyadiisa kala duwan oo dhinacyada is-dhaafsadeen
Dadka ku dhintay dagaalka ayaa waxaa kamid ah Saraakiil ka tirsan Ciidanka xoogga dalka oo ay kamid yihiin Taliyihii howl-galinta ee Qaybta 21aad Gaashaanle Sare Cabdulqaadir Maxamed Cartan (Gasaawe) iyo Taliyihii guutada 13aad ee Qeybta 21 Gashaanle Dhexe Cali Cagawayne, Askar iyo dad Shacab ah.
Dagaal xoogan oo ka dhacay degaanka Cadakibir ayaa Al-Shabaab la wareegeen degaankaas, walow gurmad xoogan oo soo gaaray Ciidanka dowladda & kuwa Galmudug ay si awood ah kula wareegeen degaanka Cadakibir ee Gobolka Galgaduud.
Weerarada Al-Shabaab ee degaannada Galmudug ayaa kordhay bilihii la soo dhaafay, waxaaan ay aheyd maalmo ka hor markii Al-Shabaab ay weerareen degaanka Baxdo ee Gobolka Galgaduud in kastoo Ciidamada Booliska iyo maleeshiyaad degaanka ah ay iska difaaceen.
