Wasaaradda Gaashaandhigga XFS ayaa maanta Dowladda Turkiga kala wareegtay Gaadiidka ciidanka oo loogu tala galay in CXDS, gaar ahaan kumaandooska Gor-gor ay ku howlgalaan.
Mas’uuliyiin ka tirsan Wasaaradda Gaashaandhigga XFS oo ay wehliyaan Saraakiil ka tirsan Taliska CXDS ayaa gaadiidkaan kala wareegay xubno ka tirsan safaaradda Turkiga ee Soomaaliya oo ay wehliyaan Saraakiil ka socotay Turkisom
Wasaaradda Gaashaandhigga XFS iyo Taliska CXDS ayaa wada dadaallo xooggan oo lagu tayeynayo ciidanka xoogga dalka Soomaaliyeed oo dagaal kula jira argagixisadda Al-Shabaab.
Dowladda Turkiga ayaa kamid ah dowladdaha sida weyn u taageera dowladda Federaalka Soomaaliya, isla markaana ka saacida tababarada Ciidanka qeybahooda kala duwan, iyagoona sanadkaan tababar siiyay kummanaan Askari.